„Þetta allt var bara rosa breyting frá grunnskóla“ : Reynsla nemenda af framhaldsskólakerfinu

Markmið þessarar rannsóknar var að varpa ljósi á reynslu nemenda á framhaldsskólastigi. Lögð var áhersla á upplifun nemenda af náminu og skólaumhverfinu í þriggja ára kerfinu. Tíminn sem ungmenni verja í félags- og tómstundastarf var einnig skoðaður og var áhersla lögð á að kanna hver ávinningur af starfinu er að mati nemendanna og hver þeirra reynsla er af samþættingu þess við námið í þriggja ára kerfinu. Tekin voru hálfstöðluð opin viðtöl við átta framhaldsskólanemendur úr tveimur bekkjarskólum sem áttu það allir sameiginlegt að vera á öðru ári og virkir þátttakendur í félags- og tómstundastarfi samhliða námi. Meginniðurstöður rannsóknarinnar leiddu í ljós að ungmennin upplifðu mikil viðbrigði við að skipta um skólastig. Viðbrigðin tengdust aðallega miklu námsálagi og nýjum skólafélögum. Þeim fannst leitt hvað það voru fá tækifæri til að vera skapandi í náminu og hversu lítil áhrif nemendur geta haft á fyrirkomulag skólans. Breytingunum og námsálaginu fylgdi streita og jafnvel kvíði hjá mörgum ungmennunum. Þrátt fyrir það átti meirihlutinn það sameiginlegt að finnast þau tilheyra skólanum, passa vel inn í umhverfið og upplifa sig sem hluta af hópnum. Þegar stuðningur við ungmennin í tengslum við hvatningu og skuldbindingu þeirra til náms og skóla var skoðaður kom í ljós að stuðningur foreldra, samstaða samnemenda og góð samskipti við kennara skólans höfðu áhrif á áhuga þeirra á náminu og vellíðan. Mikil vinna, gott skipulag og forgangsröðun var grunnurinn að því að ungmennin gátu samþætt nám-, félags- og tómstundastarf. Að mati ungmennanna var ávinningurinn af starfinu megin ástæðan fyrir því að þau lögðu alla þessa vinnu á sig. Allir viðmælendur nema einn voru á þeirri skoðun að þeir væru ekki hlynntir styttingunni og/eða að framkvæmdin við styttinguna hefði verið illa unnin. Auk þess fannst þeim að þeirra skoðanir mættu heyrast oftar.The aim of this research was to focus on the experience college students had with both their studies and school environment in the newly implemented three year system. The time spent on extracurricular activites was also examined, along with students views of their usefulness and how the three year system affected their time to partake in said activities. Eight second year college students from two schools, who all regularly partook in extracurricular activites, were interviewed with semi structured form. The main findings of the research were that the adolescents all experienced a significant difference between school levels, the main differences being an increased study load and new social environment. They felt that the school did not give them sufficient chances to directly affect the structure of their studies or allow for enough creativity. These changes caused stress and anxiety for many of the participants. Despite that, the majority of them felt like they belonged in the school, its environment and the student group. The research also showed that the support of parents, peer support and a positive relationship with teachers affected the participants interest and well-being, especially regarding motivation and school engagement. Hard work, organization and prioritization was the key to being able to co-ordinate school and extracurricular activites. Participants felt that the gains of these activities were enough to put in the extra work. All participants but one disagreed with the decision to shorten college, and felt that the change was poorly implemented. They also felt that students voices should be heard more often